️Իսկ հիմա՝ ամենաուշագրավ իրադարձությունների մասին.

🎻 Դասական երաժշտությունից…

• ️▪️ Կարլ Մարիա ֆոն Վեբերի ռոմանտիկական օպերան` «Օբերոնը», գեղարվեստական մեծ ազատությամբ միահյուսում է ֆանտաստիկան և իրականությունը. Օպերայի ժամանակակից մեկնաբանությունն ի ցույց է դնում կոմպոզիտորի ստեղծագործական հանճարեղությունը՝ https://tinyurl.com/az65k6k7
• ️ Նոր կենսագրական կինոնկարում դերասան Ջոն Մալկովիչը մարմնավորել է դասական երաժշտության ամենավիճահարույց մաեստրոներից մեկին՝ ռումինացի դիրիժոր Սերջու Չելիբիդակեին՝ https://tinyurl.com/ye4shw37
• 🇦🇲 Օգոստոսի 15-ին Արդեանում տեղի կունենա «Ֆլեյտայի կամուրջներ» խորագիրը կրող համերգը. Ֆլեյտայի հնչյունները կկամրջեն տարբեր ժամանակաշրջաններ, երաժշտական ավանդույթներ և հեղինակների աշխարհներ՝ https://tinyurl.com/np9rypvw

🏛️ Կերպարվեստից…

• ️▪️ Վան Գոգի կտավները, 62 այլ գործերի հետ մեկտեղ, ցուցահանդեսային շրջագայության շրջանակում կներկայացվեն Նյու Յորքում. Ցուցադրությունը բացառիկ է այն առումով, որ այս ստեղծագործությունները տարիներ շարունակ պահվել են մասնավոր հավաքածուում և հազվադեպ են ցուցադրվել լայն հանրությանը՝ https://tinyurl.com/4xj8eu78
• ️▪️ Բերտա Մորիզոյի և Մարի Բրաքմոնի՝ երկար ժամանակ հանրությանը չներկայացրած կտավները ևս նոր ցուցադրության առանցքում են. Այն նորովի է բացահայտում 19-րդ դարի իմպրեսիոնիստ կին նկարիչների դերն ու յուրօրինակ ընկալումները՝ https://tinyurl.com/3p96xdw2
• 🇦🇲 Գծանկարի միջոցով կարելի՞ է փոխանցել մարդու տրամադրությունը՝ առանց պատկերելու այդ մարդու դեմքը. Օգոստոսի 12-ին Ժամանակակից արվեստի ինստիտուտում կկայանա Վահան Թոփչյանի անհատական ցուցահանդեսի բացումը՝ https://tinyurl.com/ymdfussn

🎬 Կինոյից…

• ️▪️ Ջեյմս Քեմերոնը հերթական անգամ ակնարկել է, որ հնարավոր է լքի «Ավատար»-ի ռեժիսորական աթոռը և նախագիծը հանձնի այլ կինոգործիչների. Կինոքննադատներն էլ կարծում են, որ նոր ռեժիսորական հայացքը միայն օգուտ կբերի՝ https://tinyurl.com/yyh3kpm9
• ️▪️ «Գահերի խաղը» վերածվել է թատերական ներկայացման, իսկ նախագծի պրեմիերան կայացել է Մեծ Բրիտանիայում. Պիեսը պատմում է հիմնական իրադարձություններից տարիներ առաջ տեղի ունեցած պատմական դեպքերի մասին՝ https://tinyurl.com/2s4h577z
• 🇦🇲 Կինոաշխարհում շատ ակտիվ, ռեկորդներով ու պրեմիերաներով լի ամառային օրեր են. Բաց մի թողեք ամենաքննարկվող ֆիլմերը Երևանում դիտելու հնարավորությունը ու կիսվեք տպավորություններով՝ https://tinyurl.com/4b34b7th

📚 Գրականությունից…

• ️▪️ Քրիստոֆեր Նոլանի նոր ֆիլմի շնորհիվ Հոմերոսի «Ոդիսականը» նորից դարձել է բեսթսելլեր, բայց վաճառքի ռեկորդներ են սահմանում նաև ժամանակակից պոետները. Պարզվում է՝ նոր սերնդի այս հեղինակներն ավելի ամուր կապ ունեն հին հունական էպոսի հետ, քան կարելի է պատկերացնել՝ https://tinyurl.com/2m5smeje
• ️▪️ Թեև հայտնի ասացվածքը հորդորում է գիրքը կազմով չդատել, իրականում սա բավականին բարդ մարտահրավեր է, որովհետև կազմն առաջինն է գրավում մեր ուշադրությունը. Էդ Սայմոնն անդրադառնում է գրքի կազմերի պատմությանն ու տարբեր դարաշրջաններում ձևավորված միտումներին՝ https://tinyurl.com/4mtvw98m
• 🇦🇲 Ֆրենսիս Սքոթ Ֆիցջերալդի ամենահայտնի վեպի՝ «Մեծն Գեթսբիի» հիման վրա բեմականացված ներկայացումը կարող եք դիտել օգոստոսի 12-ին՝ տանիքում՝ https://tinyurl.com/4vts7s6e

🎶 Ժամանակակից երաժշտությունից…

• ️▪️ Փրինսից մինչև Մադոննա՝ երաժշտական աշխարհի խոշորագույն դեմքերից շատերի ամենատպավորիչ ձայնագրությունների պրոդյուսերն Ուիլյամ Օրբիթն էր. Ահա նորարարական էլեմենտները համադրելու նրա տաղանդի մասին փաստող 12 ստեղծագործություն՝ https://tinyurl.com/36kzcjmx
• ️▪️ Ուիլյամ Օրբիթի հիշատակին Մադոննան խոստովանել է, որ նրա երաժշտությունն իրեն թևեր էր տալիս ու բացահայտում չիրագործված երազանքների նոր հորիզոններ. Երգչուհին պրոդյուսերին անվանել է հանճարեղ ու այլաշխարհիկ՝ https://tinyurl.com/yc5zja8z
• 🇦🇲 Լեգենդար «Սպլին» ռոք խումբն օգոստոսի 13-ին մեծ համերգով հանդես կգա Երևանում. Երաժիշտները կկատարեն տարբեր ալբոմներից իրենց ամենահայտնի ու սիրված հիթերը՝ https://tinyurl.com/29pbx9rh