Հայաստանի առաջին և ամենահին առցանց մեդիան՝ 2000 թվականից։
Ապագան պայծառ է և եռագույն™
Իմ PANը
👗 Յուրաքանչյուր իրեն հարգող կին ու աղջիկ իր զգեստապահարանում փոքրիկ սև զգեստ ունի։ Ու սա վաղուց արդեն նորաձևության տարր լինելուց զատ նաև մշակութային ֆենոմեն է։ Փոքրիկ սև զգեստը նախ հայտնվեց կտավներում, հետո ֆիլմերում, լուսանկարներում ու ամսագրերի էջերին։ Սկզբում այն միայն սգի, զսպվածության կամ էլ բարձր սոցիալական դիրքի մասին էր վկայում, իսկ հետո դարձավ ժամանակակից կնոջ ամենագործնական ընտրությունը։ Օդրի Հեփբըրնի Givenchy զգեստը, Ռիտա Հեյուորթի «Գիլդան», Մանեի ու Սարջենթի սևազգեստ կանայք իրարից շատ տարբեր աշխարհներ են ներկայացնում, բայց բոլորն էլ պատմում էին իրենց ժամանակներում ճաշակի, կարգավիճակի, կանացիության, ազատության կամ պարզապես նորաձև լինելու մասին։ Փոքրիկ սև զգեստը զարմանալիորեն կապված է ժամանակաշրջանների ու դրանց թելադրած կանոնների հետ։ Շանելի 1926 թվականի մոդելն առաջարկում էր տարբեր իրավիճակներին հարմարվող ցերեկային հագուստ, Dior-ի կոկտեյլային զգեստները վերաբերում էին 1950-ականների հագուկապի կանոններին, իսկ Givenchy-ի երեկոյան զգեստն օգնեց ձևավորել կինոյի հերոսուհու ամենատպավորիչ ու հիշվող կերպարը։ Սև գույնը թույլ էր տալիս այս բոլոր լուծումներն ընկալել որպես մեկ ընդհանուր ավանդույթի մաս, մինչդեռ դրանց ձևերն ու կիրառությունը շարունակաբար փոխվում էին։ Այսպիսով, փոքրիկ սև զգեստի պատմությունը նաև կտավների, ամսագրերի, խանութների, լուսանկարների ու ֆիլմերի պատմությունն է՝ այն վայրերի ու միջավայրերի, որտեղ մարդիկ տեսել են այդ զգեստն ու ուսումնասիրել, թե այն ինչ կարող է նշանակել։ #PAN-ը ներկայացնում է հենց այդ՝ փոքրիկ ու սև պատմությունը՝
