Իսկ հիմա՝ ամենաուշագրավ իրադարձությունների մասին.

📷 Լուսանկարչությունից…

• ▪️ 1960-70-ականները Միացյալ Նահանգների պատմության ամենաբուռն փոփոխությունների շրջաններից էին, երբ ըմբոստության ալիքը վերածվեց մշակութային մեծ հեղափոխության. Լուսանկարչական նոր գիրքը ներկայացնում է այդ ժամանակաշրջանի Ամերիկան՝ https://o.pn.am/PebApn
• ▪️ Դե, իսկ 1990-ականների բրիտանական մշակույթի խելահեղ էներգիան արտահայտվում էր ամենուր՝ երաժշտությունից ու նորաձևությունից մինչև արվեստ ու ժաման. Դարաշրջանի վերջին տասնամյակն ամփոփված է Tate Britain-ի լուսանկարչական ցուցահանդեսում՝ https://o.pn.am/mzUvL0
• 🇦🇲 Հոկտեմբերի 16-ից նոյեմբերի 15-ը Մեծ Բրիտանիայի Բրիստոլ քաղաքում՝ Bristol Photo Festival 2026-ի շրջանակում, կկայանա հայ լուսանկարիչ Գեղամ Ճեղալյանի՝ Գազայի կյանքը մոտ 40 տարի վավերագրող լուսանկարների ցուցահանդեսը` https://o.pn.am/DoBKIE

🎶 Ժամանակակից երաժշտությունից…

• ▪️ Սթիվի Ուանդերը համերգային շրջագայությամբ նշում է իր ամենահայտնի ալբոմներից մեկի՝ Songs in the Key of Life-ի 50-ամյակը. Շրջագայության առաջին համերգն ապացուցել է, որ ալբոմը չի կորցրել իր հմայքն ու շարունակում է արդիական ուղերձներ փոխանցել` https://o.pn.am/0At3to
• ▪️ Եթե կարծում եք, թե Փոլ ՄաքՔարթնիի համար կարևոր չէ, թե ինչ տեսք կամ, օրինակ, ինչ հասակ ունի իրեն մարմնավորող դերասանը, ապա սխալվում եք. Երաժիշտը չի ուզում, որ Սեմ Մենդեսի՝ The Beatles-ի մասին ֆիլմերում իրեն Ջոն Լենոնից ցածրահասակ ներկայացնեն՝ https://o.pn.am/wZMYI5
• 🇦🇲 Հոկտեմբերի 23-ին Երևանում ջազային երեկո է սպասվում՝ Վահագն Հայրապետյանի տրիոյի մասնակցությամբ. Լավ երաժշտություն, կենդանի կատարումներ և ջազային մթնոլորտ՝ երաժշտասերների համար` https://o.pn.am/8YSdbU

🎬 Կինոյից…

• ▪️ «Սոցիալական ցանց» ֆիլմի հաջողությունից հետո Ահարոն Սորկինը կրկին անդրադառնում է Facebook-ի պատմությանը, բայց այս անգամ արդյունքը, կարծես, նույնքան չի տպավորել. Որոշ կինոքննադատներ The Social Reckoning-ը քննադատում են ժամանակավրեպ մոտեցման և ոչ ամբողջական պատմության համար՝ https://o.pn.am/iNejMT
• ▪️ 30-ամյա ռեժիսոր Լանս Օփենհեյմի երկու նոր ֆիլմը՝ Primetime-ը և You Can See Everything-ը, արդեն հասցրել են դառնալ տարվա ամենաքննարկվող աշխատանքներից. Երկուսն էլ մարտահրավեր են նետում իրականության մասին մեր պատկերացումներին՝ https://o.pn.am/BQZQsa
• 🇦🇲 COP17-ի շրջանակում բացահայտեք կենսաբազմազանությանը նվիրված հինգ ֆրանսիական ֆիլմերից բաղկացած ընտրանին. Փառատոնի հատուկ հյուրերն են անվանի ռեժիսորներ Մոմոկո Սետոն և Վենսան Մունյեն՝ https://o.pn.am/o3YuJ4

📚 Գրականությունից…

• ▪️ Ի՞նչ կապ կարող է լինել իտալացի մեծանուն ռեժիսոր Ֆեդերիկո Ֆելինիի և պատմության վերջին կաստրատի միջև. Castrato Phantoms գիրքն ուսումնասիրում է դարեր շարունակ տարածված այս պրակտիկայի թողած գեղարվեստական ժառանգությունը՝ https://o.pn.am/DKuIzu
• ▪️ «Ես այնքա՜ն ծույլ եմ». Կլոդ Մոնեի նամակներն ամփոփող նոր գիրքը հնարավորություն է տալիս նկարչին ճանաչել որպես սովորական մարդու՝ իր առօրյա հոգսերով ու մտահոգություններով. Նամակները հետաքրքիր մանրամասներ են բացահատում նաև ստեղծագործական աշխատանքի մասին՝ https://o.pn.am/2GVwrO
• 🇦🇲 Նոյեմբերի 19-22-ը Երևանում և Գյումրիում կանցկացվի «Զուգահեռներ» գրականության միջազգային փառատոնը. Այս տարի պատվո հյուր՝ զուգահեռ երկիր է լինելու Շոտլանդիան՝ https://o.pn.am/eBftWk

🏛️ Կերպարվեստից…

• ▪️ Որտե՞ղ են ընթրում Նյու Յորքի արվեստագետները, պատկերասրահների սեփականատերերն ու, առհասարակ, արվեստի աշխարհի մարդիկ. Ծանոթացեք այս տպավորիչ շարքին, ու երբ հայտնվեք Նյու Յորքում, գուցե ռեստորանում նստեք ձեր սիրելի ժամանակակից արտիստի կողքին՝ https://o.pn.am/Bs2ud7
• ▪️ Վինսենթ վան Գոգի եղբայրը՝ Թեոն, կարևոր դեր է ունեցել նաև Կլոդ Մոնեի ստեղծագործական կյանքում. 1889 թվականին նա կազմակերպել է Լոնդոնում նկարչի առաջին ցուցահանդեսը՝ https://o.pn.am/GQBwLs
• 🇦🇲 «Երկիրը կադրում». COP17-ի շրջանակում Երևանում բացվել է ժամանակակից արվեստի ցուցահանդես, որը դիտարկում է մարդու, բնության և երկրի միջև փոխհարաբերությունները՝ https://o.pn.am/YIMKnQ