Անցնենք մեր իվենթներին․

• 🎛️ MOCT-ն այս ուրբաթ օրը Հայֆիլմում իր արդեն երրորդ Red Room պոդկաստն է անում, որը կդառնա ամռան վերջինը՝ https://o.pn.am/uvqaNF
• 🏛️ Իսկ հաջորդ օրը՝ ամսի 22-ին, Գառնիում կլինի օգոստոսի թերևս ամենախոշոր իվենթը. կնվագի գերմանացի երաժշտական պրոդյուսեր, դիջեյ և մինիմալ տեխնոյի դեմք Ստեֆան Բոդցինը, ինչպես նաև սիրված լոկալ արտիստներ՝ https://o.pn.am/HyJU18
• 🎚️ Գառնիում սատանայական դիջեյ պոռնոների սկիզբը դրած Triangulum-ն այս տարի կնշի իր 10-ամյակը. այդ առիթով մեծ իվենթ է լինելու ամսի 29-ին Դիլիջանում՝ Աղասի Խանջյանի պատմական ամառանոցի մոտ, իսկ հատուկ հյուրերի շարքում են Lehar-ն ու Musumeci-ն՝ Իտալիայից, և Sarabi-ն՝ Բալիից՝ https://o.pn.am/mlJDCf
• 🎵 Դիլիջանում այդ օրերին՝ օգոստոսի 28-30-ին, ևս մեկ մեծ խոշոր իվենթ է սպասվում՝ Դիլիռոք եռօրյա երաժշտական փառատոնը, որի երկու բեմում ելույթ կունենան տասնյակ խմբեր Հայաստանից, Վրաստանից, ՌԴ-ից և այլ երկրներից՝ https://o.pn.am/2bmyKN
• 🏞️ Քանի խոսք գնաց փառատոներից, պատմենք ամռան վերջին մեծ էլեկտրոնային HOWL Festival-ի մասին. արդեն երկրորդ տարին այն կանցկացվի Սևանում, բայց այս տարի երկու սթեյջի փոխարեն կլինի երեքը, որտեղ ելույթ կունենա 36 տեղացի ու արտերկրացի արտիստ՝ https://o.pn.am/QQLTFJ
• 🎪 Սևանում սա միակ փառատոնը չէ. այս օրերին այդտեղ կանցկացվի «Վարչաֆեստը», որին կմասնակցեն երիտասարդ երաժշտական խմբեր՝ պայքարելով դրամական մրցանակների համար՝ https://o.pn.am/k7oc5G
• 🎸 Փառատոն է սպասվում նաև Ջերմուկում. ամսի 22-ին Jermuk City Fest քաղաքային փառատոնի բեմում կլինի Ռեինկարնացիան, ինչպես նաև սպասվում են տարբեր անակնկալներ, ի դեպ, մուտքն ազատ է՝ https://o.pn.am/lU70tG
• 🎷 Ջերմուկից տեղափոխվենք հայրաքաղաք. օգոստոսի 28-31-ը Գյումրիում 7-րդ անգամ կանցկացվի HAY-at JAZZ նախագիծը՝ 4 օր շարունակ 4 ջազ համերգ ապահովելով Գյումրու թանգարանների բակերում՝ https://o.pn.am/qmVYHp
• 🎶 Ու քանի խոսք բացվեց ջազից, վերջապես վերադառնանք Երևան, որտեղ քաղաքի գլխավոր տանիքից օգոստոսի 23-ին կհնչի ջազ՝ համեմված լատինական ռիթմերով՝ https://o.pn.am/Yx5jZq
• 🎹 Իսկ օգոստոսի 28-ին Օպերայի տանիքում ելույթ կունենա լեգենդար երաժիշտ, սիրված երևանցի Լևոն Մալխասյանը՝ իր անփոփոխ բենդով՝ https://o.pn.am/zieE5A

1. 📢 Մենք էլ՝ Իդրամի հետ միասին, այս ուրբաթ առաջարկում ենք մի հատ երևալ Ari Stand-Up ակումբ, որտեղ «Մեծ թեմա» է լինելու. կոմիկներն ու հյուրերը կկիսվեն իրենց հուզող հետաքրքիր հարցերով, դուք էլ կլսեք, կվայելեք, կզվարճանաք կամ ոչ՝ https://idram.app.link/Idram_PAN

📷 Քանի որ սա էլ #իվենթաPAN-ի այս ամռան վերջին թողարկումն է, մենք ոչ միայն հոգ ենք տարել նրա մասին, որ դուք մինչև ամսվա վերջ իմանաք՝ ուր գնալ և ինչ անել, այլև որոշել ենք, որ ամառը պետք է ռոքնռոլային տրամադրությամբ ավարտել, ու ոչ թե պարզապես ռոքնռոլային, այլ հայեցի, ուստի այս անգամ ձեզ առաջարկում ենք լսել ոչ թե ինչ-որ օտարածին քենդրիկլամարներ ու բեյոնսեներ, այլ մեր տեղական FairWind-ի վերջին ալբոմը, որտեղ կգտնեք երբեր տարբեր իրավիճակների ու տրամադրությունների համար։ Այնուամենայնիվ մի բան էլ ասենք. FairWind-ն այն եզակի խմբերից է, որոնց կենդանի կատարումները շատ ավելի տպավորիչ են, քան մշակված, կարգի բերված ու մաստերինգի փուլն անցած ստուդիական ձայնագրությունները, քանի որ կենդանի համերգների ժամանակ բոլոր հնարավոր փոքրիկ թերություններն ու անհարթությունները կորում են այն տասնապատիկ ավելի շատ եկող էներգիայի ու դրական լիցքերի մեջ, որ շռայլորեն սփռում են խմբի անդամները բեմից։ Լավ, մեր այս գովասանքին հավատալու փոխարեն պարզապես գնացեք հաջորդ համերգին և ինքներդ համոզվեք (կամ մի համոզվեք)՝