Անցնենք մեր իվենթներին․

• 🤓 Այս օրերին ավարտվում է հայկական ամենախելացի փառատոնը՝ Գիտության շաբաթը. ամսի 25-26-ին դրա շրջանակում կանցկավի Գիտության փառատոնը, ինչպես նաև մի շարք այլ հետաքրքիր գիտական միջոցառումներ՝ https://o.pn.am/MD2DgG
• 🚗 Այս ուիքենդին է անցկացվելու նաև միջին վիճակագրական հայ տղամարդու ամենապաշտելի առարկայի շուրջ իրականացվող մասշտաբային իվենթը՝ Armenian Auto Show 3.0-ը. Համալիրում երեք օր շարունակ կլինեն ավտոմոբիլային ոլորտի առաջատար բրենդներ ու հազարավոր ավտոսիրողներ՝ https://o.pn.am/wvGQve
• 🎵 Որտեղ ավարտվում է մի բան, սկսվում է մեկ ուրիշը. այսպես՝ սեպտեմբերի 26-ին կմեկնարկի Nopa ձայնային արվեստի մեծ փառատոնը, որի շրջանակում 50+ արտիստ ելույթ կունենա 8 տարբեր վայրում անցկացվող 15 միջոցառմանը՝ https://o.pn.am/tuP3Rv
• 🎛️ Քանի խոսք գնաց էլեկտրոնային երաժշտության մասին, ուրախալի լուր հայտնենք բոլոր ռեյվերներին. Գրողների միության շենքում գտնվող HOW ակումբը վերաբացվում է այս ուրբաթ՝ տպավորիչ լոկալ լայնափով՝ https://o.pn.am/kecywq
• 🎚️ Իսկ շաբաթ օրն անպայման գնացեք «Հայֆիլմ», որտեղ իր հերթական շոուքեյսը կունենա SXCM-ը. ի դեպ, իվենթի հեդլայները իտալացի Metaraph-ն է, իսկ դա նշանակում է, որ ձեզ սպասում է տպավորիչ շոու ու ականջա- և ակնահաճո փորձառություն՝ https://o.pn.am/YZQMCy
• 🎻 Տեղափոխվենք Գառնու տաճար, որտեղ այս ուրբաթ ոչ մի «սատանայական» բան տեղի չի ունենալու. դրա փոխարեն սիմֆոնիկ հնչողությամբ ելույթ կունենա Ռեինկարնացիան (չնայած վստահաբար դա էլ շատերին դուր չի գա)՝ Սմբատյանի դիրիժորությամբ՝ https://o.pn.am/nBi5Vq
• 🎼 Նույն օրն «Առնո Բաբաջանյան»-ում ավելի «հայեցի» ու ընդունելի միջոցառում է. Վարդապետի ծննդյան օրվան ընդառաջ կհնչի «Չլսված Կոմիտաս» ծրագիրը, որի շրջանակում կարող եք լսել նրա մինչ օրս չկատարված երգերը՝ https://o.pn.am/JsODzw
• 🎸 Իսկ ռոքի սիրահարներն ամսի 26-ին կարող են գնալ ToneLab, որտեղ կվերադառնա VANAKAN բենդը՝ ներկայացնելով իր սպասվող ալբոմից դեռևս չթողարկված գործեր՝ https://o.pn.am/VkQLlz
• 🎙️ Նույն օրը Դառգետի գործարանում կանցկացվի յուրահատուկ ձևաչափով մի իվենթ, որը մեկ բեմում կհավաքի երաժիշներին՝ A.Chilla-ին, D’Litte-ին, Galife-ին, և Ari Stand-Up-ի կոմիկներին. կամ շատ հետաքրքիր է լինելու, կամ շատ տարօրինակ՝ https://o.pn.am/3HPzq6
• 🎹 Վերջում էլ բարձրանանք Երևանի ամենատպավորիչ տեսարանով տանիք. Khachaturian Rooftop-ում շաբաթ Վահագն Հայրապետյանի տրիոն և «Հովեր» պետական կամերային երգչախումբը կներկայացնեն հայկական ժողովրդական երգերի մշակումներ՝ https://o.pn.am/GHP4vI

1. 📢 Մենք էլ՝ Իդրամի հետ միասին, այս ուրբաթ ուղարկում ենք ձեզ Ari Stand-Up ակումբ՝ վայելելու հայտնի հումորիստ Վահրամ Սահակյանի սթենդափ մենահամերգը՝ իր ուրույն վահրամսահակյանական ոճի մեջ՝ https://idram.app.link/Idram_PAN

📷 Ավելի քան 10 տարի առաջ, երբ Շիրանը կարող էր իրեն թույլ տալ շռայլություն չարտահայտելու որևէ քաղաքական դիրքորոշում և պարզապես «ժողովրդի միջից դուրս եկած» պուպուշ ու բարի երգիչ լինելու, նրա շուրջ որևէ կրքեր չէին թեժանում, ամեն ինչ հարթ էր ու հանգիստ, անկեղծ ասած՝ աշխարհն էլ ավելի հանգիստ, ապահով ու կանխատեսելի տեղ էր։ 2015-ին Շիրանը երեք մեծ պատմական համերգ տվեց Լոնդոնի Wembley համալիրում՝ գումարային հավաքելով շուրջ 240,000 հանդիսատեսի։ Այդ համերգները բացառիկ էին նաև նրանով, որ Էդը բոլորովին մենակ էր Wembley-ի բեմում՝ առանց երաժշտական խմբի և այլ ուղեկցող արտիստների։ Ինչ-որ պահի Շիրանին բեմում միացել է Էլթոն Ջոնը, և նրանք միասին մի քանի երգ են կատարել։ Առաջարկում ենք տեղափոխվել այդ՝ թե՛ ձեր, թե՛ մեր, թե՛ Էդի համար անհոգ ժամանակներ՝