Անցնենք մեր իվենթներին․

• 🎛️ Վերաբացված HOW-ում հոկտեմբերի 2-ին CyberFolk-ը կրկին կանցկացնի իր Merge-ը՝ դեպի փայլուն կամ ոչ այնքան դիջեյական ապագա ճանապարհելով իր DJ դպրոցի սաների վերջին ալիքը՝ https://o.pn.am/xPeHL1
• 🎚️ Սեպտեմբերի վերջին մեկնարկած Nopa ձայնային արվեստի մեծ փառատոնը մոտենում է ավարտին, և հոկտեմբերի 3-ին Հայֆիլմում այդ առիթով կլինի խոշոր իվենթ, որը կմեկտեղի տեղացի արտիստներին և Ուգանդայում գործող լեգենդար Nyege Nyege Tapes լեյբլը՝ https://o.pn.am/Wa5t2X
• 🎵 Նույն վայրում, բայց ամսի 7-ին առաջին անգամ Հայաստանում ելույթ կունենա ամերիկացի երգիչ, երգահան և պրոդյուսեր JMSN-ը. գեղեցիկ երեկո է սպասվում՝ https://o.pn.am/BQ2RGs
• 🤗 Տեղափոխվենք Դիլիջան, որտեղ ամսի 4-ին բացվում է երևանյան ժամանցի ու մշակույթի հարստացմանը նպաստած Ռամբալկօշէի առաջին (շարունակելի լինի) ֆիլիալը մայրաքաղաքից դուրս. այդ օրը կարող եք գնալ՝ շփվելու, լավ բաներ լսելու, լավ բաներ տեսնելու ու ձեզ լավ զգալու՝ https://o.pn.am/H8pKDS
• 🍷 Քանի դուրս ենք եկել Երևանից, պատմենք, որ հոկտեմբերի 3-ին Արենի գինու փառատոնն է, և դա հիանալի առիթ է՝ Վայոց Ձորի բնությունը վայելելու ու մաքուր օդին հարբելու համար՝ https://o.pn.am/IkS0mp
• ☕ Փառատոներից խոսելիս չմոռանանք Թեյի, սուրճի և շոկոլադի փառատոնի մասին, որն այս ուիքենդ կանցկացվի Սիզընսի այգում. կարող եք լրացնել սուրճի ձեր պաշարները գալիք ծանր երկուշաբթիից առաջ՝ https://o.pn.am/w0YyFO
• 🎈 Մեկ այլ խոշոր փառատոն էլ սպասվում է ամսի 6-11-ը. «Բացահայտիր Հայաստանը երկնքից» օդագնացության միջազգային 8-որ փառատոնին կմասնակցի 20 օդապարիկ ՀՀ-ից և արտերկրից՝ https://o.pn.am/RPb887
• 🎸 Անցնենք համերգներին. շաբաթ օրը ToneLab-ում ելույթ կունենա ռուսական փանկ ռոքի հիմնադիրներից «Նաիվ» խումբը՝ նշանավորելով իր գործունեության 38-ամյակը՝ https://o.pn.am/wHmpSf
• 🎶 Հաջորդ օրն էլ նույն վայրում արդեն կարող եք լսել «Ցայգ» և ոչ միայն. հավանաբար անակնկալներով լի երաժշտական երեկո է լինելու՝ https://o.pn.am/9FlD6s
• 🎼 Այս ուրբաթ «Առնո Բաբաջանյան»-ում կհնչի ժամանակակից երաժշտության, ֆանկի և մինիմալիզմի հիպնոսային միաձուլում՝ դաշնամուրային մենախոսության ձևաչափով և աշխարհահռչակ շվեյցարացի դաշնակահար, ECM արտիստ Նիկ Բերչի կատարմամբ՝ https://o.pn.am/RePWQy
• 🎤 Վերջում էլ ոչ այնքան իվենթի, որքան սպասվող մեծ խցանման անոնս. ամսի 3-ին չզարմանաք տաքսու բարձր գներից ու գերծանրաբեռնված Կիևյանից՝ Համալիրում Լիլիթ Հովհաննիսյանի համերգն է լինելու՝ https://o.pn.am/ddtzpi

1. 📢 Մենք էլ՝ Իդրամի հետ միասին, ամսի 4-ին առաջարկում ենք գնալ Մոտոր Երևան, որտեղ այդ օրն Aram MP3-ի համերգով եզրափակվելու է Street Ball Armenia մրցաշարը՝ https://idram.app.link/Idram_PAN

📷 6 տարի առաջ լեգենդար Սելին Դիոնը ստիպված եղավ դադարեցնել իր ստեղծագործական գործունեությունը՝ պայմանավորված հիվանդությամբ։ 2022-ին երգչուհու մոտ ախտորոշվեց հազվագյուտ նյարդաբանական աուտոիմունային խանգարում, որն առաջացնում է մկանային ցավոտ սպազմեր՝ կաշկանդելով մարդու շարժողունակությունը։ Հիվանդությունն անբուժելի է, սակայն երգչուհին իր մեջ ուժ է գտել 6 տարի անց բեմ վերադառնալու ու կրկին փայլելու։ Սեպտեմբերի 12-ին երգչուհին մեծ համերգ է տվել Փարիզում՝ հավաքելով մոտ 30,000 հանդիսատեսի։ Համերգին ինչպես միշտ հետևել են բուռն քննարկումներ սոցցանցերում. ոմանք ասում են՝ երգչուհին փայլում էր, որոշները պնդում են, որ տեսարանը տխուր էր, և պետք էր ավարտել կարիերան։ Կարող եք կազմել ձեր սեփական կարծիքը՝