Անցնենք մեր իվենթներին․

• 🏃🏻 Եթե դուք էլ այս կյանքում ունեք անլուծելի թվացող խնդիրներ, առաջարկում ենք հեշտ տարբերակ՝ փախչել դրանցից. ամսի 17-18-ին Երևանյան մարաթոնն է, որի շրջանակում մի օր կվազեն անհոգ փոքրիկները, իսկ մյուս օրը՝ էքզիստենցիալ ճգնաժամի մեջ գտնվող մեծիկները՝ https://o.pn.am/ZQ05yV
• 🥦 Իսկ եթե փախչող տեսակ չեք և ամուր կպած եք հողին, ապա ամսի 16-18-ը հատուկ ձեզ համար կանցկացվի Գյուղատնտեսության, սննդի արդյունաբերության, ագրոտեխնոլոգիաների և գյուղատնտեսական նորարարությունների միջազգային ցուցահանդեսը՝ https://o.pn.am/LlgecB
• 🍷 Քանի խոսք բացվեց գյուղատնտեսական բարիքների մասին, ասենք, որ շաբաթ օրը Վան Արդիում Բերքի փառատոն է՝ հիանալի առիթ խմելու գինի, լսելու երաժտություն և տոնելու բերքահավաքի ավարտը՝ https://o.pn.am/k0afJN
• 🎛️ Եվ քանի դուրս ենք եկել Երևանից, ուղևորվենք Չարենցավան, որտեղ այդ օրը Moxir-ենք մեծ իվենթ ունեն. առաջին անգամ քաղաքում ելույթ կունենան էլեկտրոնային երաժշտության հայտնի դեմքեր Երևանից ու նույնիսկ Բրիտանիայից՝ https://o.pn.am/p9jj6D
• 🏞️ Աֆթերփարթիին էլ գնացեք Դիլիջան, որտեղ Ռամբալն արդեն պաշտոնապես ու վերջնական կբացի իր դռները. սպասվում է երաժշտություն, նախաճաշ, տեղում թխած լավաշ ու լիքը կայֆ դեմքեր՝ https://o.pn.am/xbWcU0
• 🪩 Վերադառնանք Երևան, քանի դեռ հնարավոր է մարզերից հանգիստ մուտք գործել էլիտար մայրաքաղաք. այս ուիքենդին մեծ ռեյվ է սպասվում նաև Հայֆիլմում, երկու սթեյջում 20-ից ավելի արտիստ ելույթ կունենա Synergy իվենթի շրջանակում՝ https://o.pn.am/8yk21o
• 🎵 Անցնենք դասականի. հոկտեմբերի 16-ին՝ 18-րդ Երևանի միջազգային երաժշտական փառատոնի շրջանակում, Ֆիլհարմոնիկի հետ հանդես կգան դաշնակահար Իդդո Բար-Շայը և դիրիժոր Ջեք Գոնզալես-Հարդինգը՝ https://o.pn.am/p0HLGc
• 🎻 Իսկ ամսի 21-ին նույն փառատոնի շրջանակում հանդես կգա ջութակահարուհի Հեյուն Փարքը՝ դիրիժոր Գերգեյ Մադարաշի հետ միասին՝ https://o.pn.am/GA0iwM
• 🎼 Կիրակի օրը նույն վայրում՝ Արամ Խաչատրյանում, Հայ եռալեգենդ երեկոն է, որի առանցքում այս անգամ Բաբաջանյանի, Մանսուրյանի և Ամիրխանյանի ստեղծագործություններն են՝ https://o.pn.am/2PDRsX
• 🎶 Ի դեպ, Բաբաջանյանի 105-ամյակին նվիրված երեկո է սպասվում գալիք երկուշաբթի. «Արցախի բալիկներ» մանկա-պատանեկան համույթի կատարմամբ «Ձոն Հայաստանին» համերգը կկայանա Տիկնիկայինում՝ https://o.pn.am/M5nZuS
• 🎹 Իսկ հոկտեմբերի 20-ին Կամերային երաժշտության տանը Վահագն Հայրապետյանն ու «Հովեր» երգչախումբը կներկայացնեն «Հայկական ժողովրդական երգերի մշակումներ» խորագրով համերգային ծրագիրը՝ https://o.pn.am/XGAiwJ

1. 📢 Մենք էլ՝ Իդրամի հետ միասին, առաջարկում ենք շաբաթ օրը գնալ Ari Stand-Up ակումբ, որտեղ մենահամերգով հանդես կգա Վահրամ Սահակյանը. վստահ ենք, որ վերջին դեպքերի ֆոնին նա նոր ու հետաքրքիր բաներ կունենա պատմելու՝ նոր և հետաքրքիր հայհոյանքներով՝ https://idram.app.link/Idram_PAN

📷 Ո՞վ է թաքնվում այս դիմակի տակ. լավ, չենք թողնի՝ շատ տանջվենք, հուշենք՝ մի ցանկալի տղամարդ է։ Ի դեպ, այս նյութի վրա աշխատելիս խմբագրությունում որոշակի վեճ եղավ. արական սեռի ներկայացուցիչները պնդում էին, որ ցանկալի բնորոշումը միանշանակ չէ, իգական սեռն էլ վստահ էր, որ Թոմ Հարդին, որի մասին խոսում ենք, միանշանակ սեքսի է, և ոչ միայն կանանց, այլև՝ շատ տղամարդկանց համար։ Հոլիվուդյան ամենաբրուտալ դերասաններից մեկը, մաչիստական դերերից զատ, այժմ նաև մուտք է գործել անդերգրաունդ ռեփի խիստ տղամարդկային և բրուտալ աշխարհ։ Օգոստոսի վերջին լույս է տեսել Czarface Meets Frankie Pulitzer ալբոմը, որտեղ Frankie Pulitzer-ը հենց Հարդին է։ Ալբոմը ջնջում է հիփ հոփի և կոմիքս մշակույթի միջև սահմանները՝ նորովի բացահայտելով մեզ համար Թոմ Հարդիին՝