Իմացեք՝ ուր գնալ, ինչ անել Հայաստանում այս ուիքենդին.

• 🎛️ Այս ուիքենդը բեղուն է ռեյվերների համար. ուրբաթ 13-ին Հայֆիլմում կգործի միանգամից երեք սթեյջ, այդ թվում՝ գլխավորը, իսկ լայնափը կլինի բազմազան ու միջազգային՝ https://o.pn.am/YQIggU
• 🔊 Առավել դիմացկունները հաջորդ գիշերը կարող են անցկացնել HOW-ում, որտեղ կգործի երկու սթեյջ ու նույնպես կնվագեն թե՛ մերոնք, թե՛ հոլանդացի Amoral-ը՝ https://o.pn.am/SW6bKE
• 🎸 Չենք հասկանում՝ ինչու այս համերգն ուրբաթ 13-ին չէ, բայց ունենք այն, ինչ ունենք. ToneLab-ում ամսի 14-ին համերգ կտա «Բամբիռը»՝ ներկայացնելով իր 13-րդ ալբոմը՝ https://o.pn.am/P22TjQ
• 🌆 Փոխարենն ուրբաթ 13-ին է «Քաղաքի ստվերները» բացառիկ միջոցառումը, որը կմիավորի երաժշտությունն ու ճարտարապետությունը՝ Kamaal Williams-ի ու Արտյոմ Մանուկյանի թեթև ձեռքով՝ https://o.pn.am/iol5a9
• 🎵 Նույն օրը Կամերային երաժշտության տանը կարող եք վայելել վիզուալ հաճույքի վարպետ Հայաո Միյաձակիի սիրված անիմացիոն ֆիլմերի երաժշտությունը՝ https://o.pn.am/gLs4gf
• 🍾 Իսկ հաջորդ օրն Ուլիխանյանը նշում է իր 18-ամյակը. այսուհետ չափահաս դարձած ակումբում ելույթ կունենան դրա բոլոր ռեզիդենտները և ոչ միայն՝ https://o.pn.am/GsmnRB
• 🎶 Ամսի 19-ին էլ նույն վայրում կմեկնարկի JazzJans ջազային փառատոնը՝ մի բեմում միավորելով հայ, վրացի և ռուս երաժիշտների՝ https://o.pn.am/ID3BHf
• 🎹 Այս շաբաթ օրը ջազային տրամադրություն կտիրի նաև Օպերայում՝ հատուկ հանդիսությունների սրահում երևանյան ջազ կնվագեն Վահագն Հայրապետյանը, Դեյվ Գյոդակյանը, Հայկ Պետրոսյանն ու Կարեն Քոչարյանը՝ https://o.pn.am/yKQ8Gp
• ✨ Այս ուիքենդին Երևանում ու ՀՀ մարզերում «Արհեստական բանականության օրեր» են. դա նշանակում է, որ ոչ միայն բոլոր տաքսիներում կհնչեն «աբոյի» գեներացրած վատ երգերը, այլև կանցկացվեն մեծ ու կարևոր միջոցառումներ ԱԲ հեռանկարների վերաբերյալ, իսկ ՀԱՊ-ում կանցկացվի գլխավոր՝ AI Agora միջոցառումը, որին կհետևի «Սոնա Աբգարյան․ Ճնշման ցուցիչ» ցուցահանդեսի բացումը՝ https://o.pn.am/9AVbUx
• 🦕 Ոչ մի արհեստական բանականություն չի փոխարինի պարզ մարդկային ցանցառությունն ու ջրիկությունը. ուստի ևս մեկ անգամ ձեզ մարդ ու մի քիչ էլ դինոզավր զգալու համար կարող եք նոյեմբերի 15-ին մասնակցել առաջին Dino Run-ին՝ հագնել դինոզավրի կոստյում ու վազել Երևանի փողոցներով. հիմարությու՞ն է՝ անկասկած, անչափ ուրա՞խ է՝ միանշանակ՝ https://o.pn.am/234qUq

1. 🩰 Իսկ եթե ապրում եք Դիլիջանում ու չեք կարող վազել դինոզավրի հագուստով, բայց ուզում եք որևէ հետաքրքիր ակտիվություն, կարող եք զբաղվել բալետով. կատակ չենք անում, Green Rock հիմնադրամը և Roots Classic Dance Studio-ն հրավիրում են բոլորին բալետի դասընթացների, ընդ որում՝ առանց տարիքային սահմանափակման (երբեք ուշ չէ իրականացնել երազանքները)՝ https://o.pn.am/IcIQNw

1. 📢 Մենք էլ՝ Իդրամի հետ միասին, առաջարկում ենք ամսի 13-ից 15-ը մասնակցել TOON EXPO ցուցահանդեսին՝ ծանոթանալով անշարժ գույքի շուկայի վիճակին՝ list.am-ից ու ֆեյսբուքյան կատաղած բրոքերների հայտարարություններից անդին. ի դեպ, ներկայացված կլինեն նաև բանկերը, օրինակ՝ ԱյԴին, ուստի տեղում կարող եք նաև հիփոթեքի առաջարկներից տեղեկանալ՝ https://idram.app.link/Idram_PAN